انتظروني قريبا

سانقطع عن التدوين لمدة اسبوع تقريبا او اكثر

ثم اعود باقوي التدوينات


الشيعة والسنة اختلاف ام تضاد؟


ابن رشد معالم الفكر السياسي



حد الردة وحرية الاعتقاد في الاسلام



هل الاسلام فعلا هو الحل؟



العلمانية معانا ولاعلينا؟


مين احسن انت ولا انا؟

استفتاء علي تعديل الامتحان

انتشرت اشاعة في الفترة الاخيرةفي الكلية ان الامتحان حيبقي ام سي كيو



الطلبة لما عرفوا كده انقسموا بين مؤيد ومعارض فانا بقي جاتلي فكرة عمل استفتاء علي تعديل الامتحان



وذلك دعما للمسيرة الديمقراطية داخل الكلية بدءا من الاتحادات الطلابية حتي الانتخابات الرئاسيةوالاستفاءات الدستورية(وسمعني سلام عظيمة يامصر يارض الجزر) وزي مانت عارف لاسياسة في الجامعة ولا جامعة في السياسة

والباب الي يجيلك منه الريح سده واستريح

وخدنا ايه من وشك لما حتدينا قفاك

وتلك السلسلة المتتابعة من الامثال الشعبية التي تدل عل الحالة التي وصل اليها الشباب المصري داخل الجامعة من ازدراء السياسة وحتي المطالبة بابسط حقوقهم في اختيار شكل التعليم والاسلوب الذي يتماشي معهم



وياريت يعملوا استفتاء انشا الله حتي يزورزه

اتقو الله في مصر

الفقيه الدستوري د يحيي الجمل يتالم علي حال مصر

http://www.youtube.com/watch?v=h5B2vuw9ZWU

عروسة المولد

ايه الحلاوة دي؟

ايه الطعامة دي؟

ياختي جميلة ولا كل الناس

ياختي جميلة شبه النسناس

كتير بشوف بنات حاطين فوشهم مكياج

زي الانسة دي بالظبط المشكلة بقي انهم بيبقوا فاكرين نفسهم حلوين بس للاسف شكلهم يغم النفس

استئذنكم اروح ارجع

egypt future

هو ده مستقبل مصر ياعبلة

دوس عشان ممكن مايشتغلش

رسالة الي الاستاذ جمال البنا

حضرت بالامس محاضرة للاستاذ جمال البنا عن الاسلام والحرية بمكتبة الاسكندرية

في الحقيقة الكلام عن الحرية في الاسلام لايختلف عليه اثنان وخصوصا انه استدل بايات من القران الكريم

ووجدته وكانه يردد كلام الدكتور القرضاوي وكلام الدكتور محمد عمارة في هذة المسالة ولكن الفارق هو ضعف حجته واستدلاله مقارنة بالعالمين السابقين ثم جائت فقرة الحوار لتشتعل القاعة بالضجيج بين مؤيد له ومعارض ولم اتمكن من المداخلة وبدات الاسئلة عن رايه في الحجاب والتدخين اثناء الصيام وعن حد الردة ثم بدت مداخلة تتحدث عن ان مايدعو له جمال البنا سيؤدي الي تفرقة المسلمين لانه يدعو الي اعمال العقل في فهم القران الكريم والسنة بدون ضوابط وبدون وجود قدرة علي استنباط الاحكام وهنا تكمن نقطة الخلاف انا لست ضد اعمال العقل ولست ضد الاجتهاد والتجديد ولكن اللغط كل اللغط ان يتحدث في الدين غير الفاهمين ويري كل انسان رؤيته وبدلا من ان يرجع الناس لاراء العلماء سيجتهد الناس بانفسهم وسيؤدي ذلك الي دخول عنصر الهوي بالاضافة الي الجهل القائم بذاته عند هؤلاء

لقد عجبني كتاب اصول الفقه دكتور عبد الوهاب خلاف الذي يتحدث فيه عن اصول الفقه وقال ان علم اصول الفقه مجموعة من القواعد التي تعين المشرع عي استنباط حكم الشرع من الكتاب والسنة بما يتناسب مع المصلحة العامة والمقاصد العامة للشريعة الاسلامية وهي ليست قواعد تعبدية كلام جميل

ممكن اسال بقي الاستاذ جمال البنا ايه الفايدة والمصلحة وراء اباحة التدخين في نهار رمضان؟

مع العلم ان هذه الفتوي تخالف العقل الذي تدعو اليه لان التدخين يدمر جسم الانسان كاملا واظن ان الاسلام لايدعو لذلك

كلامك عن الحجاب صراحة غير مقنع بالمرة

قلت ان الحجاب ده عادة فارسية وليس من الاسلام طب ماذا عن الايات التي تفرض الحجاب اظن ان الرد كان سطحي جدا وغير منطقي ومافيهوش ريحة العقلانية

ام عندك ايات تقول يايها الناس ان الحجاب عادة فارسية فلا تقربوه

عن حد الردة ان اكاد اتفق معك عقليا ولكني لامتلك دليلا واريد ان ابحث اكثر حتي يطمئن قلبي

في قضية السنة النبوية

تحقيق السنة النبوية فعلا حاصل واظن ان التحقيق حاصل فعلا وعلماء الاصول يرون ان السنة المتواترة هي الوحيدة التي تعتبر قطعية الثبوت علي خلاف بينهم في قضية الاحاديث المشهورة هل هي قطعية الثبوت ام لا

اخيرا

اظن انه لايجب الا يجتهد الانسان بدون علم وان لم يكن عالما فليتعلم وان علوم القران واصول الفقه ومصطلح الحديث ليست بقواعد تعبدية او عقدية وانما هي قواعد بشرية وضعها بشرتحتاج الي النظر من ان لاخر من اجل التطوير ولا ينبغي الانستفيد مما تركه لنا اسلافنا ونضرب به عرض الحائط لمجرد انها علوم بشرية

وان الاجتهاد مفتوح لمن امتلك ادواته

هذا مااردت ان اقول ياستاذ جمال

حاسس ان عندي شيزوفرنية وبرانويا ومانيا وشوية ديبرشن صغيرين كده

اناالايام دي بدات سيكاتري صراحة القسم ممتع جدا ودكتور هشام الششتاوي ربنا يكرمه حببنا فيه اكتر

الحاجة الغلط بس اني حاسس ان انا عندي كل الامراض دي تقوش ده يكون ديلوشن ولا هالوسيناشن

دورة مهارات النجاح في الحياة

نفسك تتعلم التخطيط

وتنظيم حياتك


نفسك تحقق اهدافك واحلامك؟

نفسك تبني علاقات نفسك تتخلص من الخوف والاحباطات؟

يلا نبتدي علي بركة الله نتعلم مع بعض مهارات النجاح اولا حمل العرض التدريبي

وحنشرح كل مرة و ناخد واجبات عملية كل مرة وعايزين نسمع تجاربكم حمل من هنا

http://up.9q9q.net/up/index.php?f=utRlmJNOn


عشان نتناقش مستني الردود علي الرابط دهhttp://montada.gam3aonline.com/viewtopic.php?t=3586
واوعي تنسي
لاتكن انت الحياة اسهل مافيها



ولاتكن انت الحياة اصعب ما فيها



ولكن كن انت الحياة في اسمي معانيها

مراد وهبة ادعوك لاعمال العقل

مراد وهبة ادعوك لاعمال العقل كنت ف مرة قاعد ف البيت فلقيت نفسي بجيب قناة النيل الثقافية (هي صحيح قناة نفيخة) بس ساعات

بتقدم برامج حلوةوقالو احنا مستضيفين الدكتور مراد وهبة الفيلسوف المصري وعشان بحب الحاجات الفكرية دي ماغيرتش المحطة

وخصوصا بعد ما عرضوا السي في بتاع الراجل ده اشي ماجستير من جامعة ايه واشي كام دكتوراة وعضو في جمعيات ايه قولت ده

باين عليه راجل جامد في البداية اتكلم عن العلمانية وقال ان العلمانية هي الحل من كل المشاكل الي بنواجهها دلوقتي لان بيوقف قدام

العلمانية التيار الاصولي المتشدد الي بيفكر بشكل مطلق وبيرفض اعمال العقل وده هو الي معطل التقدم والنهضة المنشودة وضرب

مثل بقضية الاستواء علي العرش وبيقول ان الفقهاء بيرفضوا تاويل هذة الاية والتفكير فيها واعمال العقل في تفسيرهاوهنا بقي

اسمحولي اتكلم اولا الاسلام اول من دعا الي اعمال العقل ورفض ان يكون الايمان منفصل عن الاقتناع العقلي واعتبر الانفصال بينهم

نفاقثم تعالي نقرا القران لنجد في الايات التي تستثير العقل وتستحثه علي التفكير في اصل الكون واصل الاشياء والتفكير العلمي

المتسلسل من النظر والتامل والتفكر والتدبر النظر هو المرحلة الاولي التامل البحث عن الاسباب التفكر ربط الاسباب بعضها ببعض

التدبر ادراك الشيء ومعرفة مغزاه(مشتقة من كلمة دبر يعني اخر الشيء يعني تجيب من الاخر)واذاكان( بيكون )هو الي وضع

اسس التفكير العلمي فهو في الحقيقة اخدها من ابن الهيثم وابن الهيثم اتعلمها من القران طب ماشي عارف انك حتقول انا متفق معاك

ان الاسلام يدعو لاعمال العقل والتفكير في الاشياء بشكل نسبي لكن في الذات الالهية لا يجوز التفكير بشكل نسبي لان الله عزوجل

لايتغير ولايجوز اعمال العقل صاحب الرؤي المتغيرة (يعني بيفكر بشكل نسبي) فيما هو مطلق مثل صفات الله وافعاله وهنا استطرد

كلامك مش انت قصدك احداث نهضة عقلية وعلمية هل التفكير في الاستواء والاسماء والصفات يؤدي الي تلك النهضة

المنشودة؟؟؟؟؟؟(سؤال يطرح نفسه)وهنا انقل كلمة للامام مالك لما سئل عن كيفية الاستواء قال الاستواء معلوم والكيف مجهول

والسؤال عنه بدعة والايمان به واجب تاني حاجة المذيعة سالته عن دعوته للسلام مع اسرائيل وايه علاقة ده بدعوته للعلمانية قال

لها ان العلمانية معناها التفكير بشكل نسبي وهذا التفكير يقتضي التغيير والابداع بقالنا خمسين سنة حروب حروب ومفيش حل طب

ماتيجي نعمل سلام (وكانه جاب حاجة جديدة)ياسلام ياسلام ياسلاااااااااااااااااااام علي راي الست ام كلثوم بالنسبة ليا انا

بقول .................. مش عايز اشتم

بس دلوقتي بس عرفت ان الراجل حاجة من اتنين ياما مابيفهمش حاجةياما مدفوع له من بره عشان يقول ويروج لافكاره الحاجة

الاخيرة هو قال ان ابن رشد دعا للعلمانية والفصل بين الدين والدولة وهنا مش حتكلم كتير حقوله

بس كلمة قالها ابن رشد (والحكمة والشريعة متصاحبطان بالطبع متلازمتان بالفطرة والغريزة

وياعم .................كبر دماغك

كبر دماغك

مش قصدي طنش مش قصدي ما تفكرش انا قصدي خلي عقلك كبيرخلي قلبك اكبر خلي حلمك عظيم وخلي هدفك اعظم كبر دماغك اوي وكون انسان
لاتكن انت الحياة اسهل مافيها
ولاتكن انت الحياة اصعب مافيها
ولكن كن انت الحياة في اسمي معانيها