كل يوم بنزل من بيتنا اركب الاتوبيس عشان اروح الكلية الاتوبيس يقعد نص ساعة واقف مش عارف يمشي
وممكن ف احيان كتير متلقيش مواصلات فتتضطر تاخدها مشي ف عز التراب والعفرة والشمس
تمشي فالشارع تحس ان البلد لسة طالعة من الحرب وعايزة اعادة اعمار مواقع وخنادق تحت الارض
تكسير ف كل حتة
ياجماعة اسكندرية مابقتش مارية
ومليانة تراب وعفرة بس مش زعفران
وكل ده بفضل
اللواء المحافظ ربنا يخللنا سيادته
المهم كان في كلام بيتقال ان التكسير حيخلص علي شهر 6
وادينا ف شهر 6
ومافيش حاجة خلصت وشكلها مش حتخلص وهو خربها وشكله ماشي
من التعليقات الظريفة الي سمعتها
ان السر ورا ان المحافظ ده بيكسر ف البلد كده انه وهو صغير كان ابوه مابيخلوهوش يكسر اللعب
ف اول ماكبر كان عنده رغبات مكبوتة طلعها فينا
وفي ناس قالك لاء
ده
معمول له عمل ملاقهوش ف دمنهور وجاي يدور عليه ف اسكندرية
No comments:
Post a Comment