دكتور الحقني

بعد ان تراكمت عليه الهموم
واصبح عنده امبارح زي كل يوم
حس ان حياته مش لازم تدوم
وقعد يفكر في الموضوع زيادة عن اللزوم

خلاص مفيش غير حل واحد هو الانتحااااااااااااااااااااااااااااااااار

المشهد الاول
غرفة مظلمة... كرسي متهالك...بقايا لخيوط العنكبوت...حبل معلق في السقف
موسيقي تصويرية ان ان ان اااااااااااااااااااااان تش
تسمع اصوات وقع اقدام تك تك تك تك تك تقترب شيئا فشيء
يفتح الباب ززززززززززززززززز
يدخل شاب في ريعان شبابه تبدو عليه علامات الكهولة... مطأطيء الرأس و تظهر عليه مظاهر الاعياء والتعب... تسمع ضربات قلبه المتلاحقة lup dup lup dup lup dup
يتقدم في خطوات ثابتة تك تك تك تك
يقترب من الحبل اكثر فاكثر يمسكه بيداه... ترتعش يداه بشدة يحاول ان يتمالك نفسه لايستطيع
يتصبب منه العرق بغزارة يلف الحبل حول رقبته باحكام ويغمض عينيه وفجأة
يسقط علي الارض طاااااااااااخ
يفشل ...للمرة الواحد والعشرين يفشل حتي ف الانتحار فاشل جتك خيبة
يبكي بحرقة انا فاشل انا فاشل هيء هيء هيء هيء
يسمع صوت التليفزيون المغنية تتغني بكلمات ساقطة
ساسا ساسا سيد ياسيد سيد ياسيد
يصرخ صرخة مدوية لاء كفاية حراااااااااااااااااااااااام
ويتشنج تشنجات عصبية تنتهي به الي الاغماء deep coma
المشهد الثاني
يحاول ان يجر رجليه الي ذلك المكان الذي لم يتمني ان يذهب اليه من قبل
يتلفت يمينا ويسارا لااحد يراه
يقف مترددا ساعة امام الباب
عيادة الدكتور خشبة للامراض النفسية والعصبية
يدخل ليجلس وحيدا في غرفة الانتظار
وبعد طول انتظار يخرج مريض من غرفة الدكتور يردد هذة العبارة
انا مش قصي ازعة انا طويل واهبل
انا مش قصي ازعة انا طويل واهبل

يخرج الدكتور ليجده المريض الوحيد الذي ينتظردوره
يقول للدكتور: ادخل دلوقتي يادكتور؟؟
الدكتور:تدخل ازاي والناس دي كلها (يشير يمينا ويسارا ) قاعدة؟
هو: ناس مين يادكتور ؟
الدكتور: الناس دي انت مش شايفهم ؟
ازيك يامدام؟؟ ازيك يا استاذ ؟؟ ازيك ياهانم؟؟
هو: ااااااااااه صحيح
ازيك يامدام؟؟ ازيك يا استاذ ؟؟ ازيك ياهانم؟؟
الدكتور: انت بتعمل ايه ؟
هو: بسلم علي الناس الي قاعدة
الدكتور: ناس مين يابني مافيش حد انت عبيط؟؟؟؟!!!!!!
خش ....خش ده انت شكلك حالتك صعبة خالص

المشهد الثالث:
يجلس علي الشيزلونج يقوم الدكتور بتشغيل موسيقي هادية(قوم اقف وانت بتكلمني)
الدكتور:انا عايزك تبقي رولاكس خالص
انت اسمك ايه؟ وعندك كام سنة؟ وبتشتغل ايه؟ وايه مشكلتك؟

هو : انا اسمي محمود ومش بشتغل انا لسه طالب في الكلية وعندي 18 سنة
اما بقي مشكلتي هو ده اللي انا جتلك عشانه
يا دكتور انا ف شهر رمضان كنت شيخ اه والله شيخ فجر وتراويح وتهجد وغض بصر ماقولكش بقي علي غض البصر ده انا ماكنتش بفتح روتانا سينما مش تقدر تغمض عينيك
يدوبك بس رمضان خلص لقيت الحال اتغير والدنيا اتقلبت
انزل من بيتنا اروح الكلية الاقي حاجات غريبة البنات قاعدين مع الولاد متعرفش تفرق بينهم كلهم مأنتمين اه والله مأنتمين وغير كده كلهم لابسين زي بعض وتلاقي الواد لابس البنطلون من غير حزام ومرة واحدة يقع منه البنطلون واللي ما يتفرج يتفرج هارش يادكتور؟
الدكتور : هارش يابني هارش
محمود: والحاجة اللي تغيظ بقي البنات المحجبات البت تلاقيها ضاربة الطرحةعلي شعرها وما قولكش بعد كده في ايه؟!!!!!!!!!!بلاوي.. بلاوي يادكتور هارش انت؟
الدكتور: هارش يابني هارش
محمود: اركب الميكروباص وانا مروح اقعد ف الكرسي اللي ورا وانت عارف الي بيقعد ف الكرسي الي ورا بيشوف ايه؟
غير كده الاقي السواق مشغل اغنية بتقول
انا خلاص حاتجوز وحابطل ابص ع البنات
اتحسر واقول ف نفسي اهو انا مش عارف اتجوز ولا قادر ابطل ابص ع البنات
بعد كده اروح البيت اقول افتح التليفزيون اتفرج علي كورةولا اشوف اخبار علي الجزيرة عقبال بقي ما وصل للجزيرة ماقولكش بقي قنوات اغاني بالهبل
اشي عربي واشي اجنبي واشي خليجي واشي صعيدي
ارجع اقول لاء انا لازم ابقي جامد و اغير النشاط
اطفي التليفزيون واروح افتح الايميل واول ما افتح الايميل تطلع لي اعلانات جزر الكاريبي وما ادراك ما جزر الكاريبي ؟ هارش يادكتور؟؟
الدكتور: هارش يابني هارش
محمود:ارجوك يادكتور شوفلي حل يا دكتور انا تعبت يا دكتور
وفجأة يتفتح الباب ويدخل منه رجل تظهرعليه علامات الغضب
ويصرخ: بتعمل ايه عندك يامخيمر؟؟
فيهب مخيمر (اللي هو كان الدكتور من شوية)ويقول :دكتور خشبة!.. ايه اللي جابك دلوقتي انت مش كنت مسافر؟؟!!
محمود لمخيمر في تعجب: مخيمر!!!!!! هو انت مش الدكتور؟!!!!!!
الدكتور: لاء ده التمرجي
محمود: انا برضه قولت مافيش غير حل واحد

زملاءنا الطلاب
كانت هذه قصة صاحبنا محمود ياتري ايه اكتر حاجة انتو شايفينها كانت سبب
ف مشكلته منتظرين اجاباتكم هنا
...................................................................................................................................................................................................................................................................................................................................................................................................................................................................................................................................